पाटणा
राज्यसभा निवडणुकीत भाजपचे उमेदवार सुशील कुमार मोदी यांच्या विरोधात महाआघाडीने उमेदवार देणे टाळले आहे. मोदी यांनी बुधवारीच मुख्यमंत्री नितीश कुमार यांच्या उपस्थितीत स्वतःचा अर्ज भरला होता. विधानसभा अध्यक्षाच्या निवडणुकीत मोठा पराभव आणि मोठा उलटफेर होण्याची शक्यता नसल्याने महाआघाडीच्या कुठल्याही पक्षाने उमेदवार उभा करणे टाळले आहे.
बिहार सुशील कुमार मोदी यांच्यापासून मुक्ती इच्छितो आणि महाआघाडी या मुक्तीच्या मार्गात अडथळा होऊ इच्छित नाही, याचमुळे उमेदवार उभा न करण्याचा निर्णय घेतल्याचा दावा राजदचे प्रवक्ते चितरंजन गगन यांनी गुरुवारी केला आहे.