पंढरपूर तालुका पोलिसांची कारवाई : अफूची 562 रोपे पोलिसांकडून जप्त
पंढरपूर / प्रतिनिधी
बेकायदेशीररित्या ऊस व मका पिकामध्ये अफुंच्या रोपांची लागवड केल्याप्रकरणी पंढरपूर तालुक्यातील सुस्ते (चोरमळा वस्ती) येथील तानाजी रावसाहेब जाधव याच्याावरती तालुका पोलिसांनी कारवाई केली आहे. कारवाईत 29 हजार 511 रुपये किंमतीची 562 अफूची रोपे (बोंडासहित) जप्त करण्यात आली असून आरोपीस पोलिसांनी अटक केली आहे. सदरची कारवाई शनिवार दि. 4 मार्च रोजी करण्यात आली आहे.
याबाबत पोलिसांकडून मिळालेल्या माहितीनूसार, पंढरपूर तालुक्यातील सुस्ते येथील चोरमळा येथे ऊस व मका पिकांच्या अंतर्गत अफुंच्या रोपांची लागवड केल्याचे बातमीदारामार्फत पोलिसांना समजले होते. ऊस व मका पिकात तानाजी जाधव याने अफूच्या रोपांची लागवड केली होती. यामध्ये सरकारी पंचाच्या समक्ष पोलिसांनी अफूची रोपे व बोंडे जप्त केली आहेत. अफूच्या रोपांचे व बोंडांचे वजनकाटयावरती वजन करुन इतर ठिकाणीही पोलिसांनी पाहणी केली. आरोपीस अटक करण्या आली असून त्यास न्यायालयासमोर हजर केले आहे.