प्रतिनिधी / बेळगाव
पटवर्धन लेआऊट वडगाव येथील सुहासिनी महिला मंडळाने गृहउद्योग करणाऱया महिलांच्या उत्पादनांची ओळख होऊन त्यांना बाजारपेठेचा अनुभव यावा, यासाठी मेळावा घेतला. अनेक महिलांनी लॉकडाऊनमुळे हातातील काम गेल्याने आणि नोकरी न मिळाल्याने घरगुती व्यवसाय सुरू केल्याचे वास्तव या मेळाव्यातून समोर आले. त्यांच्यासाठी मंडळाने विविध खेळही घेतले आणि
बक्षिसे दिली.
सामूहिक भोजनानंतर कार्यक्रमाची सांगता झाली. कार्यक्रम यशस्वी करण्यासाठी सुहासिनी महिला मंडळाच्या अध्यक्षा नंदिनी चौगुले व इतर सदस्या वृंदा तडकोड, विद्या तोपिनकट्टी, वनिता बिर्जे, ऐश्वर्या पाटील, अपर्णा भंडारी, विद्या जाजू, गायत्री कांबळे, आरती वेर्णेकर, आदिती शिंदे यांनी विशेष परिश्रम घेतले.