प्रतिनिधी /बेळगाव
पटवर्धन लेआऊट, वडगाव येथील सुहासिनी मंडळाचा नवरात्रोत्सव दांडिया व गरबा खेळून पारंपरिक पद्धतीने साजरा झाला. या कार्यक्रमासाठी लसीकरण झालेल्या महिलांना प्रवेश देण्यात आला. उत्सवाची सुरुवात अध्यक्षा नंदिनी चौगुले आणि कार्यकारिणीच्या सदस्या यांच्या हस्ते अंबामातेच्या पूजन व आरतीने करण्यात आली. समस्त जगाला कोरोनाच्या महामारीतून मुक्त करण्याची प्रार्थना करण्यात आली. तीन दिवस चाललेल्या या उत्सवात महिला व लहान मुलांनी आनंद लुटला. कार्यक्रमाची सांगता देवीमातेच्या जयघोषाने आणि अल्पोपाहाराने झाली.