मुंबई/प्रतिनिधी
गेल्या काही दिवसांपासून मुंबई शेअर बाजारात (share market) तेजी पहायला मिळत आहे. गेल्या महिनाभरात शेअर बाजाराने रोज नवनवे उच्चांक गाठले आहेत. शेअर बाजार आज पुन्हा एका नवीन उच्चांकासह उघडला आहे, ज्यामुळे आणखी एक इतिहास निर्माण झाला. बीएसईचा 30-स्टॉकचा निर्देशांक सेन्सेक्स (Sensex) ३९०.८९ अंकांसह ६२,१५६.४८ वर उघडला. तर राष्ट्रीय शेअर बाजाराचा निफ्टी देखील १८,६०२.३५ च्या नवीन विक्रमासह व्यापार सुरु झाला आहे. सुरुवातीच्या व्यवहारात सेन्सेक्स २८९.१७ अंकांच्या वाढीसह ६२,०५४.७६ वर होता, तर निफ्टी ८०.५५ अंकांच्या वाढीसह १८,५५७.६० वर होता.
दरम्यान, सेन्सेक्स सुरुवातीच्या सत्रात ३९०.८९ अंकांनी वाढून ६२,१५६.४८ वर पोहोचला. तर निफ्टीने (nifty) १२७.४० अंकांची उडी घेत १८,६०४.४५ वर पोहोचला.
गुरुवारी सेन्सेक्स ६१ हजारच्या पार
दरम्यान, गुरुवार दि. १४ रोजी शेअर बाजार उघडताच सेन्सेक्सनं थेट ६१ हजारांच्या वर विक्रमी झेप घेतली होती. त्यामुळे खरेदी-विक्रीमध्ये मोठ्या हालचाली दिसून आल्या. दरम्यान, भांडवली बाजाराची सुरुवात झाली तेव्ह सेन्सेक्सने ३०७ अंकांची झेप घेतली, त्यावेळी सेन्सेक्स ६१,०४४.१५ वर गेला होता. , तर निफ्टी (Nifty) १८,२६१.१५ वर होता.