वृत्तसंस्था/ कोलंबो
भारतीय संघातील वेगवान गोलंदाज नवदीप सैनीच्या डाव्या खांद्याला दुखापत झाली असून या दुखापतीची तपासणी करण्यात येणार आहे. लवकरच त्याला स्कॅनिंगसाठी जावे लागणार आहे.
टी-20 मालिकेतील दुसऱया सामन्यात क्षेत्ररक्षण करताना सैनीचा डावा खांदा दुखावला गेला. त्याला यानंतर सातत्याने वेदना जाणवत आहेत. स्कॅनिंगनंतरच त्याच्या या दुखापतीचे स्वरुप स्पष्ट होईल, असे मंडळाच्या वैद्यकीय अधिकाऱयाने सांगितले. सध्या डॉक्टरांचे एक पथक त्याच्या दुखापतीवर इलाज करीत आहे. शनिवारी सैनीच्या या दुखापतीचे स्कॅनिंग केले जाईल, असे भारतीय संघाचा गोलंदाज प्रशिक्षक पारस म्हांब्रेने वृत्तसंस्थेशी बोलताना सांगितले.