जिल्हाधिकारी राहुल रेखावार यांचे आदेश
प्रतिनिधी / कोल्हापूर
कोरोना संसर्गामुळे बंद असलेल्या हॉटेल्सना ५० टक्के क्षमतेसह सुरू करण्यास सोमवार (दि.२६) पासून परवानगी देण्यात आली आहे. याबाबतचे आदेश शनिवारी जिल्हाधिकारी राहुल रेखावार यांनी दिले.
जिल्हा आपत्ती व्यवस्थापन प्राधिकरणच्या बैठकीत हा निर्णय घेतला. तसेच जिल्ह्यातील तिसऱ्या टप्प्यातील निर्बंधाना पुढील आदेश होईपर्यंत मुदतवाढही देण्यात आली.
सोमवारपासून सकाळी ७ ते दुपारी ४ यावेळेत हॉटेल्स सुरू करण्यास परवानगी देण्यात आली आहे. यासाठी ५० टक्के क्षमतेची अट घालण्यात आली आहे. दुपारी ४ नंतर पार्सल सुविधा सुरू राहणार आहे.