तरुण भारत संवाद प्रतिनिधी/सोलापूर
सोलापुरात नव्याने 10 कोरोना बाधीत रुग्णांची भर पडली आहे. यामध्ये कोरोनाने 9 वा बळी घेतला आहे. आतापर्यंत 9 मृत आहेत. आज दोघे तर आतापर्यंत 24 जण बरे होऊन घरी गेले आहेत. त्यामुळे जिल्ह्यातील एकूण कोरोना बाधितसंख्या 145 वर पोहचली असून उर्वरित 112 व्यक्तींवर सिव्हिल रुग्णालयात उपचार सुरू असल्याची माहिती जिल्हाधिकारी मिलिंद शंभरकर यांनी आज, मंगळवारी दिली.
दरम्यान, मृत्यू पावलेली महिलाही 63 वर्षाचे असून सदर बाजार लष्कर येथील रहिवासी होती. 3 मे रोजी उपचारासाठी दाखल झाली होती. 4 मे रोजी उपचारादरम्यान मृत्यू झाला. त्यानंतर तिचा रिपोर्ट पॉझिटिव्ह आला आहे. आज 169 अहवाल प्राप्त झाले. त्यातील 159 अहवाल निगेटिव्ह आले तर 10 अहवाल पॉझिटीव्ह आले. यामध्ये पाच पुरुष, पाच महिलांचा समावेश आहे. यातील शास्त्रीनगर एक, सदर बझार लष्कर 1, पोलीस मुख्यालय ग्रामीण एक, राहुल गांधी झोपडपट्टी 2, दक्षिण सोलापूर येथील उळे 1, येथील हुडको कॉलनी विजापूर रोड 1, कामातिपुरा एक, एकता नगर भागातील 1, नीलम नगर 1 येथील रुग्णांचा समावेश आहे. केगाव येथील इन्स्टिट्यूशन कोरणटाईमधून आतापर्यंत 44 व्यक्ती बरे होऊन घरी गेले आहेत. आज 10 कोरोना पॉझिटिव्ह रुग्ण आढळल्यामुळे शहर जिल्ह्यात घबराटीचे वातावरण पसरले आहे.
सोलापूरातील कोरोना सद्यस्थिती
होम क्वारंटाईनमध्ये: 2186
आयसोलेशन वार्डात – 2407
एकूण अहवाल प्राप्त : 2172
आतापर्यंत अहवाल निगेटीव्ह : 2027
आतापर्यंतअहवाल पॉझीटीव्ह : 145
अहवाल प्रलंबित- 235
बरे होऊन घरी गेले- 24
मृत : 0 9
Previous Articleमहाराष्ट्रात एकाच दिवशी ३५० कोरोनाबाधितांना डिस्चार्ज
Next Article जगभरात अडकलेल्या 14 हजार भारतीयांची होणार घरवापसी
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.