तरुण भारत संवाद प्रतिनिधी / सोलापुर
शुक्रवारी ग्रामीण व नागरी भागात ७ कोरोना पॉझिटीव्ह रुग्ण आढळले असल्याची माहिती जिल्हा आरोग्य अधिकारी डॉ. भीमाशंकर जमादार यांनी शुक्रवारी दिली.
सोलापूर जिल्ह्यातील ग्रामीण व नगरपालिका क्षेत्रात शुक्रवारी, १२ जुन रोजी ५४ अहवाल प्राप्त झाले. त्यातील ७ पॉझिटीव्ह तर ४७ अहवाल निगेटिव्ह आले. यामध्ये ६ पुरुष आणि एका स्त्री चा समावेश आहे. बाधित रुग्ण सुमित्रा नगर, अकलूज, तालुका माळशिरस, पारधी वस्ती, मुळेगाव, तालुका दक्षिण सोलापूर, वळसंग, ता. दक्षिण सोलापूर, मौलाली गल्ली, अक्कलकोट, नवीन विडी घरकुल, ता. दक्षिण सोलापूर आणि मध्ये सोहाळे, ता. मोहोळ येथील असे एकूण सात रुग्ण पॉझिटिव्ह आले आहेत. जिल्ह्यातील ग्रामीण भागात आजपर्यंत पॉझिटिव्ह आलेल्या बाधितांची संख्या १०३ इतकी झाली आहे.