प्रतिनिधी / करमाळा
कोविड १९ च्या पार्श्वभुमीवर नामदार उच्च न्यायालयाने ११ जिल्हे वगळता अन्य न्यायालयातील कामकाज सुरू केले होते. परंतू सोलापूर, कोल्हापूर, सातारा, सांगली, बीड, अहमदनगर, सिंधूदुर्ग, रायगड, पुणे, पालघर या ११ जिल्ह्यात फक्त तातडीचे कामकाज चालू ठेवले होते.
आज (ता.6) उच्च न्यायालयातील रजिस्टार महेंद्र महाजन यांनी या ११ जिल्ह्यांना कळवून उद्यापासून शंभर टक्के कामकाज सुरू करण्याच्या सूचना केल्या आहेत. मंगळवार दि. 7 सप्टेंबर पासून नियमानुसार व दिलेल्या अटी ठेवून हे कामकाज सुरू करायचे आहे. यानुसार उद्यापासून करमाळा तालुक्यातील न्यायालय तसेच सोलापूर जिल्ह्यातील सर्व न्यायालये पूर्ण क्षमतेने सुरू होत आहेत.