तरुण भारत संवाद प्रतिनिधी / सोलापूर
एमआयडीसी पोलीस ठाण्याच्या हद्दीतील आदर्श नगरातील नयन हाॅटेलमध्ये विनापरवाना नृत्य करणाऱ्या तीन मुलींना ताब्यात घेतले असून अकरा जणांविरुद्ध गुन्हा दाखल करण्यात आला आहे. एमआयडीसी पोलिसांनी रविवारी मध्यरात्री छापा टाकला.
रविवारी मध्यरात्री हॉटेलमध्ये तीन नृत्यांगना अश्लील हावभाव करत असताना आढळून आल्या. याप्रकरणी एमआयडीसी पोलिस ठाण्यात हॉटेल मालकासह अकरा जणांवर गुन्हा दाखल करण्यात आले आहे. याप्रकरणी एकूण २ चारचाकी आणि २ दुचाकी वाहने पोलिसांनी जप्त केली आहेत.