प्रतिनिधी / कुर्डुवाडी
बेडरुमचे कुलूप तोडून चोरट्यांनी दागिन्यांसह ६२ हजारांच्या ऐवज लंपास केला. ही घटना दि. ४ रोजीच्या रात्री महिंसगाव ता. माढा येथे घडली. संदीप अंबादास खारे यांनी या घटनेची फिर्याद कुर्डुवाडी पोलिसांत दिली आहे. याबाबत पोलिसांनी दिलेली माहिती अशी की फिर्यादी खारे व त्याचे कुटुंबीय हे दि.४ रोजी रात्री १० वा. जेवण करुन फिर्यादीची आई व मुले घरात तर फिर्यादी व त्याची पत्नी घराच्या स्लॅबवर झोपले होते.
दरम्यान चोरट्यांनी आई व मुले झोपलेल्या खोलीला बाहेरून कडी लाऊन बेडरूमचे कुलुप तोडून कपाटातील अडीच तोळे वजनाचे ३७ हजार रुपये किंमतीचे सोन्याचे गंठण,२० हजाराचा सॅमसंगचा मोबाइल व ५ हजाराचा विवो कंपनीचा मोबाइल असा एकूण ६२ हजारांचा ऐवज चोरून नेला आहे.खारे यांच्या फिर्यादीवरुन कुर्डुवाडी पोलिसांत गुन्हा दाखल झाला आहे.