भक्तांनी खोट्या बातम्यांवर विश्वास ठेऊ नये…
बैलहोंगल / वार्ताहर
सौंदत्ती येथील यल्लाम्मा दर्शनाला एक फेब्रुवारीपासून दर्शन खुले करण्यात आली सदर बातमी खोटी असून भाविकांनी दर्शनासाठी मंदिराकडे न येण्याची विनंती करण्यात आली आहे.
शनिवारी सोशल मीडियातून एक फेब्रुवारीपासून यल्लम्मा देवीचे दर्शन खुले असल्याची बातमी प्रसारित करण्यात येत आहे. ती बातमी चुकीची आहे. अशी माहिती यल्लाम्मा देवस्थानचे सीईओ रवी कोटार गस्ती यांनी दैनिक तरूण भारतशी बोलताना दिली. ते पुढे म्हणाले की राज्य सरकारने ३१ जानेवारीपासून रात्रीचे कर्फ्यू हटवल्याने व काही ठिकाणचे निर्बंध हटवले असल्याने दि. १ फेब्रुवारीपासून सौंदत्ती येथील रेणुका मंदिर खुले करण्यात येणार असल्याचे सोशल मीडियातून प्रसारित करण्यात येत आहे. परंतु ही बातमी चुकीची असून भाविकांनी अशा अफवांवर विश्वास ठेवू नये व सौंदत्ती यल्लाम्मा देवीकडे दर्शनासाठी येऊ नये असे आवाहन त्यांनी केले आहे.