मुंबई :
हवाई क्षेत्रात कार्यरत असणाऱया स्पाइसजेट या कंपनीला तब्बल 600 कोटींचा फटका बसला आहे. जून 2020 च्या तिमाहीअखेर हा तोटा कंपनीला सोसावा लागला आहे. कोरोनाच्या पार्श्वभूमीवर विमाने रद्द केली गेल्याने शिवाय प्रवाशांची संख्या घटल्याने हे नुकसान झाले आहे. कंपनीला जून 2020 अखेर 600 कोटींचा एकत्रित तोटा सहन करावा लागला आहे. मागच्या वर्षी कंपनीला 262.8 कोटी रुपयांचा एकत्रित नफा झाला होता. आर्थिक वर्ष 2021 मध्ये पहिल्या तिमाहीत एकत्रित उत्पन्नातही वर्षागणिक पाहता 82 टक्के विक्रमी घसरण झाली आहे.
मार्चअखेर सर्वच विमानसेवा ठप्प झाल्याने अनेक कंपन्या आर्थिक नुकसानीत आल्या. स्पाइसजेटही यातून सुटली नाही. कोरोनाने मोठा परिणाम या सेवेवर जाणवला. भारतातील कंपन्यांसह विदेशातील कंपन्यांनाही कोरोनाचा चांगला फटका बसला आहे.