सातारा / प्रतिनिधी :
दूध दराच्या अनुषंगाने स्वाभिमानी शेतकरी संघटनेचे जिल्हाध्यक्ष राजू शेळके यांच्या नेतृत्वाखाली जिल्ह्यात दूध आंदोलन पुकारले होते. त्या पार्श्वभूमीवर जिल्हाधिकारी यांना दुधाची बाटली भेट दिली. त्यांनी दिलेल्या निवेदनात म्हटले आहे की, संघटनेचे संस्थापक राजू शेट्टी यांच्या नेतृत्वाखाली राज्यभर दूध आंदोलन सुरू आहे. यामध्ये जिल्ह्यातील सर्व दूध संस्था, दूध संकलन केंद्रे, शेतकरी यांनी विनंती केल्यानुसार 100 टक्के दूध बंद आंदोलन केले आहे. या आंदोलनाला भरघोस पाठींबा मिळत आहे.दूध दरवाढ होऊन शेतकऱ्यांवरील अन्याय दूर व्हावा यासाठी माजी खासदार राजू शेट्टी यांनी स्वाभिमानी शेतकरी संघटनेच्यामार्फत केलल्या मागण्या मान्य कराव्यात अशी मागणी केली आहे. अन्यथा तीव्र आंदोलन छेडले जाईल असा इशारा दिला आहे. यावेळी जिल्हाध्यक्ष राजू शेळके, अर्जुनराव साळुंखे, रमेश पिसाळ आदी उपस्थित होते.