ऑनलाईन टीम / बंगळूर :
ऑनलाइन जेवण ऑर्डर करणाऱया ग्राहकांना आता जास्त पैसे मोजावे लागणार आहेत. फूड डिलिव्हरी ऍप झोमॅटो आणि स्विगीनं गेल्या सहा महिन्यांत डिलिव्हरी शुल्क वाढवले आहे. त्यांनी डायनॅमिक डिस्काउंटिंग सुरू केलं आहे. ऑर्डर रद्द करण्यासंबंधी नियम अधिक कठोर केले आहेत. तसंच लॉयल्टी प्रोगामचे दरही वाढवले आहेत.
इकोनॉमिक्स टाईम्सच्या रिपोर्टनुसार ऑक्टोबरपासून झोमॅटो तर डिसेंबरपासून दर महिन्यातील ऑर्डरचं प्रमाण पाच ते सहा टक्के कमी झाल्याचा अंदाज आहे. या कंपन्यांनी नियम कठोर केल्यानं असं झालं आहे. उबर इट्स डीलनंतर या बाजारातील समीकरण किती बदलेल, हे पुढील महिन्यापर्यंत स्पष्ट होईल.