प्रेंड रिक्वेस्टची गळ, सोसत नाही कळ, मग खंडणी अटळ
प्रतिनिधी /बेळगाव
तंत्रज्ञानाचा जसा विकास झाला तसेच फसवणुकीच्या प्रकारातही आधुनिकता येत गेली. पूर्वापार वेगवेगळय़ा कारणांसाठी चालत आलेले ‘हनीट्रप’चे प्रकार सध्या वाढले आहेत. खंडणी उकळण्यासाठी सावजाला हनीट्रपच्या जाळय़ात अडकवणाऱया टोळय़ा मोठय़ा प्रमाणात सक्रिय झाल्या आहेत. पोलीस दलालाही या टोळय़ांची डोकेदुखी वाढली आहे.
खासकरून हनीट्रपसाठी सोशल मीडियाचा वापर केला जात आहे. व्हॉट्सअप, फेसबुक, मेसेंजर आदींच्या माध्यमातून सावजाला जाळय़ात अडकवून त्याला ठकविण्याचे प्रकार वाढले आहेत. सायबर क्राईम विभागाकडे गेल्या दोन ते तीन महिन्यात अशा अनेक तक्रारी आल्या आहेत. पंधरा दिवसांपूर्वी पोलीस उपायुक्त डॉ. विक्रम आमटे यांनी यासंबंधी एक पत्रक प्रसिद्धीस देऊन बेळगावकरांना सावध केले होते.
बेळगाव जिल्हय़ात गेल्या पंधरा वर्षांहून अधिक काळ अशा टोळय़ा कार्यरत आहेत. बेळगाव, चिकोडी, बैलहोंगल, रामदुर्ग परिसरात अनेक सरकारी अधिकारी, मठाधीश व राजकीय नेत्यांना या टोळीतील गुन्हेगारांनी हॅनीट्रपच्या जाळय़ात अडकविल्याची उदाहरणे आहेत. अंजनेयनगर परिसरातील एका मठाधीशांनाही त्याचा मोठा फटका बसला आहे.
दहा-पंधरा वर्षांपूर्वी बेळगाव परिसरात वेगळय़ा पद्धतीने हनीट्रप केले जात होते. सरकारी अधिकारी व धनिकांच्या मोबाईलवर एक मिस्ड्कॉल येतो. हा कॉल कोणाचा आहे? म्हणून परत संपर्क साधल्यानंतर ‘चुकून कॉल लागला, तरी हरकत नाही. तुमची ओळख तरी झाली,’ असे संभाषण सुरू व्हायचे. त्यानंतर सारखे कॉल करून सावजाला जाळय़ात अडकविण्याचे प्रयत्न व्हायचे. एकदा सावज अडकले, की त्याला एकांतात बोलावून त्याचे विवस्त्र व्हिडिओ काढले जायचे. व्हिडिओ आणि त्याचे फोटो दाखवून खंडणीची मागणी केली जायची.
सरकारी अधिकारी टोळीच्या जाळय़ात
बेळगाव परिसरातील अनेक सरकारी अधिकाऱयांनी या टोळीच्या जाळय़ात अडकून खंडणी दिली आहे. आता बदलत्या तंत्रज्ञानामुळे हनीट्रपच्या पद्धतीत बदल झाला आहे. फेसबुकवर पेंड रिक्वेस्ट येते, ती स्वीकारल्यानंतर मोबाईल क्रमांकाची आदानप्रदान होते. नंतर व्यवस्थितपणे सावजाला जाळय़ात अडकविण्यात येते. लैंगिक संबंधासाठी उत्सुकता दर्शविली जाते. सावज जाळय़ात अडकले की त्याच्याकडे खंडणीची मागणी केली जाते.
सायबर क्राईम विभागाकडे अशा प्रकरणात फशी पडलेल्या तरुणांच्या फेऱया वाढल्या आहेत. पोलीस दलाकडून वारंवार सावधगिरी बाळगण्याचे आवाहन करूनही अनेक जण हनीट्रपच्या जाळय़ात अडकत आहेत. पूर्वी हनीट्रप करण्यासाठी प्रत्यक्ष भेट व्हावी लागत होती. आता तंत्रज्ञानामुळे भेटीची गरज नाही. फेसबुक, व्हॉट्सअप, वी-चॅट आदींवरून ट्रप करण्याचे प्रकार सुरू आहेत.
पूर्वी एखाद्या देशाची गुप्त माहिती मिळविण्यासाठी वरि÷ अधिकारी व संरक्षण दलातील प्रमुखांना हनीट्रपच्या जाळय़ात अडकविण्यात येत होते. अशी अनेक उदाहरणेही आहेत. सध्या खंडणीसाठी हनीट्रपचा धंदा सुरू झाला आहे. राजकीय नेते, उद्योजक, व्यावसायिक यांना ट्रप लावला जात आहे. एखाद्या कमनीय बांध्याच्या महिलेचा वापर करून सावजाला जाळय़ात अडकविण्याच्या प्रकाराला हनीट्रप म्हणतात.
बेळगाव जिल्हय़ात या काळय़ा धंद्यात गुंतलेल्या अनेक टोळय़ा आहेत. बेअब्रू होण्याच्या भीतीने फशी पडलेले लोक पोलिसांकडे जाणेही टाळतात. त्यामुळे गुन्हेगारांचे चांगलेच फावते. आता अशा गुन्हेगारांना खंडणी देऊन कंटाळलेले अनेक जण मदतीसाठी पोलीस दलाकडे धाव घेत आहेत.
संयम बाळगला नाही तर…
तंत्रज्ञानाच्या युगात वेगवेगळय़ा पद्धतीने फसवणुकीचे प्रकार सुरू आहेत. कोण कोणासाठी कसा ट्रप लावेल, हे सांगता येत नाही. त्यामुळे अनोळखी व्यक्तींशी एका मर्यादेपलीकडे चॅटिंग करण्याचा मोह अंगलट येऊ शकतो. वैयक्तिक स्वरुपाची माहिती अनोळखींना पाठविणेही धोक्मयाचे ठरू शकते. अनेक राजकीय नेत्यांनाही अशा हॅनीट्रपला बळी पडावे लागले आहे. राजकारण, कॉर्पोरेट, फॅशन विश्व, गुप्तचर यंत्रणा, संरक्षण दलातील वरि÷, क्रीडाक्षेत्रात हनीट्रपचे प्रकार चालतात. हनीट्रपसाठी जास्तीत जास्त महिलांचा वापर केला जातो.