वादळी पावसाचा तडाखा, -8 होडय़ा गेल्या वाहून
वार्ताहर/ हर्णै
दापोली तालुक्यातील हर्णै बंदरात रविवारी रात्री झालेल्या वादळी पावसामुळे एक बोट बुडाली. या बोटीत 7 खलाशी होते, परंतु त्यांना वाचवण्यात आले. यात बोट मालकाचे 40 लाखांचे नुकसान झाले आहे. 8 लहान होडय़ा वाहून गेल्या आहेत.
सोमवारी पहाटे 4 वाजता मासेमारीसाठी जाणारी महेश रघुवीर यांच्या मालकीची परमेश्वरी बोट रविवारी सर्व साहित्य सामुग्रीसह बंदरात उभी होती. या बोटीसोबत अन्य बोटीदेखील होत्या. रविवारी अचानक वादळी पावसामुळे रघुवीर यांची परमेश्वरी बोट तेथील अन्य बोटींवर धडकली व फुटून बुडाली. यानंतर या बोटीतील 7 खलाशांनी पाण्यात उडय़ा मारल्या, परंतु त्यांना बाजुच्या बोटींवर असलेल्या खलाशांनी सुखरूप बाहेर काढले.
त्याचबरोबर तेथील 10 ते 12 बोटींचे 30 ते 40 हजारांचे नुकसान झाले. त्याचबरोबर याठिकाणी निसर्ग चक्रीवादळात पडलेल्या एईडी लाईटचा खांब जमिनदोस्त झाला आहे. त्यामुळे तेथे मच्छीमारांना अंधाराशी सामना करावा लागत आहे.