मुंबई प्रतिनिधी
मराठी चित्रपट सृष्टीत एकापाठोपाठ एक ऐतिहासिक चित्रपट येत आहे. सध्या ‘हरहर महादेव’ हा छत्रपती शिवाजी महाराजांवरील आधारित आगामी चित्रपटाचा टीझर प्रदर्शित झाला आहे. पण या टीझर मुळे मनसे अध्यक्ष राज ठाकरे सध्या चर्चेत आहेत.कारण त्यांनी या चित्रपटाच्या टीझरसाठी आवाज दिला आहे.
या व्हिडीओमधील राज ठाकरे यांच्या दमदार आवाजानं सर्वांची मनं जिंकली आहेत.“जेव्हा माय माऊलीची बेअब्रू आणि मंदिराला तडा गुन्हा नव्हता, जेव्हा सह्याद्रीला कणा आणि मराठीला बाणा नव्हता. ही ३५० वर्षानंतरच्या पहाटफुटीची गोष्ट आहे. ही अठरापगड आरोळ्यांची आणि माझ्या छत्रपतींच्या शिवगर्जनेची गोष्ट आहे..हर हर महादेव,” ही राज ठाकरेंच्या आवाजातील वाक्यं ऐकल्यावर अंगावर अक्षरशः काटा येतो.सध्या हा व्हिडिओ सोशल मीडियावर व्हायरल होत आहे. या चित्रपटाचे लेखक व दिग्दर्शक अभिजित देशपांडे असून यावर्षी दिवाळीत हा चित्रपट प्रदर्शित होणार आहे.