3 डिसेंबर रोजी होणार सुनावणी
प्रतिनिधी /बेळगाव
हलगा-मच्छे बायपास रस्त्याच्या कामाला न्यायालयाने स्थगिती दिली आहे. आता मूळ वादावरच मंगळवारी निकाल लागणार होता. मात्र न्यायालयाने 3 डिसेंबरपर्यंत सुनावणी पुढे ढकलली आहे. तोपर्यंत स्थगिती मात्र कायम केली आहे.
राष्ट्रीय महामार्ग प्राधिकरणाच्या वकिलांनी सोमवारी पुन्हा न्यायालयामध्ये युक्तिवाद केला होता. त्यामुळे मंगळवारी त्याची सुनावणी होणार होती. पण न्यायालयाने पुन्हा या खटल्याची सुनावणी लांबणीवर टाकली आहे. आता न्यायाधीश कोणता निकाल देणार? याकडे साऱयांचे लक्ष लागले आहे. शेतकऱयांच्या बाजूने ऍड. रवीकुमार गोकाककर यांनी बाजू भक्कमपणे मांडली आहे. तसेच राष्ट्रीय महामार्ग प्राधिकरणाच्या वकिलांनीही न्यायालयासमोर युक्तिवाद केला आहे. मात्र पुन्हा ही सुनावणी पुढे ढकलण्यात आली आहे.