वृत्तसंस्था/ नवी दिल्ली
उत्तरप्रदेशात नागरिकत्व सुधारणा कायद्याच्या विरोधात झालेल्या हिंसक निदर्शनांमध्ये देशविरोधी शक्तींचा हात होता. पॉप्युलर प्रंट ऑफ इंडियाचा (पीएफआय) हिंसाचाराशी थेट संबंध होता. सीएए विरोधी निदर्शनांकरता 73 बँक खात्यांमध्ये 120 कोटीहून अधिक रक्कम जमा करण्यात आली होती. या रकमेचा वापर निदर्शनांकरता झाल्याचे अंमलबजावणी संचालनालयाने अहवालात म्हटले आहे.
पीएफआयच्या काश्मीर शाखेलाही 1.65 कोटी रुपये मिळाले होते. ईडीने गृह मंत्रालयाला या पैशांच्या देवाणघेवाणीसंबंधी सतर्क केले होते.
काँग्रेस नेत्याला रक्कम
पीएफआयचा हा पैसा काँग्रेस नेते कपिल सिब्बल, वरिष्ठ वकील इंदिरा जयसिंग, दुष्यंत दवे आणि अब्दुल संमद यांच्यासह अनेक दिग्गजांना हस्तांतरित करण्यात आला होता असे समजते. तर सिब्बल यांनी 77 लाखांची रक्कम शुल्कापोटी मिळाल्याचा दावा केला आहे.