ऑनलाईन टीम / नवी दिल्ली :
भारतात कोरोनामुक्तीचा दर 95.99 टक्क्यांवर आला असतानाच कोरोना नव्या स्ट्रेनने चिंता वाढवली आहे. ब्रिटिश कोरोनानंतर भारतात दक्षिण आफ्रिका आणि ब्राझीलमधीलही नवे स्ट्रेन आढळून आले आहेत. नव्या स्ट्रेनची लक्षणे जुन्या कोरोना विषाणूपेक्षा काहीशी वेगळी असल्याचे आढळून आले. ब्रिटनच्या नॅशनल हेल्थ सर्व्हिसने (बीएनएचएस) नव्या स्ट्रेनच्या सात महत्त्वाच्या लक्षणांचे वर्णन केले आहे.
बीएनएचएसनुसार, अंगदुखी, घसा दुखणे, डोळे दुखणे, डोकेदुखी, जुलाब, त्वचेवर पुरळ उटणे आणि पायांच्या बोटांचा रंग बदलणे ही नव्या स्ट्रेनची लक्षणे आहेत.