ऑनलाईन टीम
हुंड्यासाठी सुनेचा छळ केल्याप्रकरणी बिजू जनता दलाच्या एका खासदाराविरोधात तक्रार दाखल झाली आहे. ओडिशाचे कटक लोकसभा खासदार भर्तृहरि महताब, त्यांची पत्नी आणि मुलाच्या विरोधात ही तक्रार दाखल करण्यात आली आहे. याप्रकरणी मध्य प्रदेश पोलिसांनी महताब यांच्याविरोधात कारवाई केली आहे.
महताब यांची सून साक्षी यांनी बुधवारी भोपाळच्या महिला पोलीस स्टेशनमध्ये पती, सासरे आणि सासू यांच्या विरोधात हुंडासाठी छळवणूक केल्याची तक्रार दाखल केली. हुंड्यासाठी सासरचे लोकं छळ करत असल्याचं साक्षी यांनी तक्रारीत म्हटलं आहे. तसंच तिच्या कुटुंबाने 2016 मध्ये तिच्या सासऱ्यांना हुंडा म्हणून 1.5 कोटी दिले, पण ते अधिक पैशांची मागणी करत असल्याचा आरोप देखील साक्षी यांनी केला आहे.
पोलिसांनी दिलेल्या माहितीनुसार, खासदार भर्तृहरि महताब, त्यांची पत्नी महाश्वेता आणि मुलगा लोकरंजन यांच्या विरोधात, IPC कलम 498, 506 आणि 34 आणि हुंडा प्रतिबंधक कायदा, कलम 3/4 अंतर्गत गुन्हा दाखल करण्यात आला आहे. तक्रारादर सून साक्षी यांचं लग्न ओडिशाच्या बीजू जनता दलाच्या खासदाराचा मुलगा लोकरंजन यांच्यासोबत 2016 ला झालं होते.
Previous Articleमध्यरात्री जुगारी अड्डय़ावर छापा
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.