बर्लिन
मैदानावर आपल्या संघाचा पराभव झाल्यानंतर निराश झालेला हॅम्बुर्ग एसव्ही संघातील बचाव फळीतील फुटबॉलपटू टोनी लिस्टनेरने बेशिस्त वर्तन करताना काही प्रेक्षकांना धक्काबुक्की करून शिस्तपालन नियमाचा भंग केल्याने स्पर्धा आयोजकांनी लिस्टनेरवर पाच सामन्यांसाठी बंदी घालण्यात आली असून त्याला आठ हजार युरोस (9,469 डॉलर्स) दंड करण्यात आल्याची माहिती जर्मन फुटबॉल संघटनेने शुक्रवारी दिली. जर्मन चषक फुटबॉल स्पर्धेत गेल्या आठवडय़ात झालेल्या सामन्यात हॅम्बुर्ग एसव्ही संघाला पहिल्याच फेरीत पराभव पत्करावा लागला होता. या सामन्यानंतर लिस्टनेरने एका फुटबॉल शौकीनाच्या जवळ जात त्याला अपशब्द वापरत त्याला धक्काबुक्की केली. या कारणास्तव लिस्टनेरवर शिस्तभंगाची कारवाई करण्यात आली. सेकंड डिव्हिजन क्लबस्तरीय फुटबॉल स्पर्धेतील होणाऱया तीन सामन्यांमध्ये लिस्टनेरला खेळता येणार नाही.