पटना / वृत्तसंस्था
विधानसभा निवडणूक प्रचाराच्या निमित्ताने बिहार दौऱयावर असलेले केंद्रीय मंत्री रविशंकर प्रसाद शनिवारी एका हेलिकॉप्टर दुर्घटनेतून थोडक्मयात बचावले. पटना विमानतळावर हेलिकॉप्टरचे लँडिंग केले जात असताना ओव्हरहेड वायरला स्पर्श झाल्याने त्यांच्या हेलिकॉप्टरचे ब्लेड तुटले. यावेळी हेलिकॉप्टरचे दोन ते तीन ब्लेड तुटूनही पायलटने सावधगिरीने हेलिकॉप्टर उतरवल्यामुळे सर्वजण सुखरुप राहिले. हेलिकॉप्टरमध्ये रविशंकर प्रसाद यांच्यासह बिहारचे आरोग्यमंत्री मंगल पांडय़े आणि जलसिंचन मंत्री संजय झा उपस्थित होते. त्यांना कुठलीही दुखापत झाली नसल्याची माहिती पक्षाच्या सूत्रांकडून देण्यात आली.