वृत्तसंस्था / पॅरीस
अमेरिकेचा ऍथलीट ग्रॅण्ट हॉलोवेने पुरूषांच्या 60 मी. इनडोअर अडथळा शर्यतीमध्ये नवा विश्वविक्रम केला. यापूर्वी या क्रीडाप्रकारात कॉलिन जॅक्सनने 27 वर्षांपूर्वी नोंदविलेला विश्वविक्रम मोडीत काढला आहे.
माद्रीदमध्ये बुधवारी झालेल्या 60 मी. पल्ल्याच्या इनडोअर अडथळा शर्यतीमध्ये अमेरिकेच्या हॉलोवेने 7.29 सेकंदाचा विश्वविक्रम करताना ब्रिटनच्या जॅक्सनने 1994 साली नोंदविलेला विश्वविक्रम मागे टाकला आहे. अमेरिकेचा हॉलोवे हा 110 मी. अडथळा शर्यतीतील विश्वविजेता आहे.