वृत्तसंस्था/ सिडनी
ऑस्ट्रेलियात सुरू झालेल्या दहाव्या बिग बॅश टी-20 लीग क्रिकेट स्पर्धेत गुरूवारच्या सामन्यात होबार्ट हरिकेन्सने विजयी सलामी देताना माजी विजेत्या सिडनी सिक्सर्सला पराभवाचा धक्का दिला.
या सामन्यात सिडनी सिक्सर्सने नाणेफेक जिंकून हरिकेन्सला प्रथम फलंदाजी दिली. होबार्ट हरिकेन्सने 20 षटकांत 8 बाद 178 धावा जमविल्या. हरिकेन्स संघातील डेव्हिडने 33 चेंडूत 58, इनग्रेमने 42 चेंडूत 55 धावा जमविल्या. त्यानंतर सिडनी सिक्सर्सने 6 बाद 162 धावापर्यंत मजल मारल्याने त्यांना हा सामना 16 धावांनी गमवावा लागला. सिडनी सिक्सर्सतर्फे एडवर्ड्सने 47 आणि व्हिन्सने 67 धावा जमविताना दुसऱया गडय़ासाठी 116 धावांची भागिदारी केली. होबार्ट हरिकेन्सतर्फे ख्रिस्टेन आणि डॉरहुस यांनी प्रत्येकी 3 गडी बाद केले.