निवासी अपार्टमेंटच्या पंधराव्या मजल्यावर आग
बीजिंग / वृत्तसंस्था
चीनमधील शिनजियांगमध्ये एका निवासी इमारतीच्या पंधराव्या मजल्यावर आग लागल्यामुळे मोठी दुर्घटना घडली. या अग्नितांडवात 10 जणांचा मृत्यू झाला. तर 9 जण जखमी झाल्याचे सांगण्यात आले. ही आग गुरुवारी रात्री उशिरा लागली. शॉर्टसर्किटमुळे आग लागल्याचा प्राथमिक अंदाज व्यक्त केला जात आहे. गेल्या चार दिवसांतील आगीची ही दुसरी मोठी दुर्घटना आहे. 22 नोव्हेंबर रोजी हेनान प्रांतात एका खासगी कंपनीच्या प्लान्टला आग लागली होती. यामध्ये 38 जणांचा मृत्यू झाला होता. या आगीच्या दुर्घटनेप्रकरणी पोलिसांनी एका संशयिताला ताब्यात घेतले आहे.