मुंबई :
पु. ना. गाडगीळ ज्वेलर्स यांचा आयपीओ लवकरच बाजारात सादर केला जाणार आहे. सराफी व्यवसायात असणाऱ्या पु. ना. गाडगीळ ज्वेलर्स यांच्या आयपीओला बाजारातील नियामक सेबी यांनी मान्यता दिली असल्याची माहिती उपलब्ध झाली आहे. सदरच्या आयपीओच्या माध्यमातून कंपनी 1100 कोटी रुपयांची उभारणी करणार आहे. 250 कोटी रुपयांचे समभाग कंपनी ऑफर फॉर सेल अंतर्गत सादर करणार आहे तर 850 कोटी रुपयांचे ताजे समभाग विक्रीकरता उपलब्ध करणार आहे.
स्टोअर्स उघडणार
आयपीओच्या माध्यमातून उभारण्यात आलेला निधी महाराष्ट्रामध्ये नव्या बारा स्टोअरच्या स्थापनेसाठी वापरला जाणार असल्याची माहिती आहे. पु. ना. गाडगीळ सराफी व्यवसायात महाराष्ट्रामध्ये दुसऱ्या नंबरचे व्यावसायिक आहेत, असा त्यांचा दावा आहे.