वृत्तसंस्था/ नवी दिल्ली
शिक्षण क्षेत्रातील तंत्रज्ञानांवर आधारीत स्टार्टअप म्हणून कार्यरत असणाऱया ‘बायजूस’चा नफा आर्थिक वर्ष 2019-20मध्ये दुप्पटपेक्षा अधिक होत 50.76 कोटी रुपयावर पोहोचला आहे. यामध्ये टॅबलेट, एसडीकार्ड आणि पुस्तकांच्या विक्रीचे विशेष योगदान असल्याची माहिती कंपनीने दिली आहे.
कंपनीचे आर्थिक वर्ष 2019-20 मध्ये संचयाच्या आधारे उत्पन्न 82 टक्क्यांनी वधारुन 2,380.7 कोटी रुपये झाले असून जे 2018-19 मध्ये 1,306 कोटी रुपये होते. बायजूसचा तोटा आर्थिक वर्ष 2019-20 मध्ये वधारुन 250 कोटी रुपये झाला आहे. जो 2018-19 मध्ये 9 कोटी रुपये होता.
मुख्य व्यवसायांची झेप
मजबूत व्यवसायांच्या मदतीने कंपनीने नफा कमाईत झेप घेतली असून दुसऱया बाजूला काही प्रमाणात नुकसानीचे चित्र राहिले असल्याचे बायजूसच्या मुख्य रणनीती अधिकारी अनीता किशोर यांनी नमूद केले आहे.
बायजूसचे निव्वळ उत्पन्न हे 2,110 कोटी रुपयावर राहिले असून यामध्ये
प्रमुख तीन व्यवसायांचा समावेश राहिला आहे. ते व्यवसाय पुढील प्रमाणे.
प्रमुख व्यवसाय उत्पन्न
शैक्षणिक शुल्क ………………….. 144 कोटी रुपये
शैक्षणिक टॅब्टेल व एसडी कार्ड विक्री 1,675 कोटी रुपये
पुस्तकांची विक्री 560 कोटी रुपये