प्रतिनिधी / बेळगाव
शहरातील व्यापाऱयांकडे व्यवसाय परवाना नसल्याने महापालिकेने तपासणी मोहीम चालविली आहे. विविध ठिकाणी ही मोहीम राबवून दंडात्मक कारवाई करण्यात येत असल्याने व्यवसाय परवाना घेण्यासाठी महापालिकेकडे धाव घेतली आहे. शहरातील 202 व्यावसायिकांना व्यवसाय परवाना वितरित करण्यात आला असून, व्यवसाय परवान्याच्या माध्यमातून 16 दिवसांत 13 लाख रुपये महसूल जमा झाला आहे.
व्यवसाय परवाना न घेतल्याने महापालिकेने दंड वसुलीची मोहीम हाती घेतली आहे. बाजारपेठ आणि उपनगरातील व्यावसायिकांकडे परवान्याची विचारणा करण्यात येत आहे. बहुतांश व्यापाऱयांनी व्यवसाय परवाना घेतला नसल्याचे आढळून आले आहे. 4 हजारहून अधिक व्यावसायिकांनी व्यवसाय परवान्याचे नूतनीकरण केले नाही. त्यामुळे नूतनीकरण न केलेल्या व्यावसायिकांकडून दंड वसूल करण्यात येत आहे. व्यवसाय परवाना तपासणी मोहीम राबविण्यात येत असल्याने व्यावसायिकांनी व्यवसाय परवान्यासाठी महापालिकेकडे धाव घेतली आहे. सध्या व्यवसाय परवाना घेण्यासाठी संघटना पुढे येत आहेत.
मागील 16 दिवसांत 202 व्यावसायिकांना व्यवसाय परवाना वितरित केला आहे. तसेच व्यवसाय परवाना नूतनीकरण दंड व शुल्काच्या माध्यमातून 13 लाख रुपये महसूल जमा झाल्याची माहिती आरोग्य अधिकारी डॉ. संजय डुमगोळ यांनी दिली. ही मोहीम सातत राबवून परवाना घेणे सक्तीचे करण्यात येणार असल्याची माहिती दिली.