पोर्ट मार्सेल
नैर्त्रुत्य समुद्रातील पापुआ न्यू गिनीला रविवारी भूकंपाचा धक्का बसला. अमेरिकन जिओलॉजिकल सर्व्हेनुसार भूकंपमापन यंत्रावर त्याची तीव्रता 7.6 रिश्टर स्केल इतकी नोंदवण्यात आली. मोठय़ा धक्क्यापूर्वी सुरुवातीला छोटे धक्के जाणवले. राजधानी पोर्ट मार्सेलपासून सुमारे 60 किमी अंतरावर भूकंपाचा केंद्रबिंदू होता. सध्या तरी नुकसानीची कोणतीही माहिती देण्यात आलेली नाही. त्सुनामीचा इशारा अद्याप जारी करण्यात आलेला नाही. तथापि, त्सुनामीच्या शक्यतेने समुदाजवळील लोकांना सुरक्षित असलेल्या उंच ठिकाणी जाण्याचे निर्देश जारी करण्यात आले आहेत. या भागात वारंवार भूकंप होत असतात. येथील सर्वात जास्त लोकसंख्या असलेला परिसर कायंटू आहे. हे देखील भूकंपाचे केंद्र होते.