एक हजाराहून अधिक जणांना अटक
वृत्तसंस्था /तेहरान
इराणमध्ये 16 सप्टेंबरपासून सुरू झालेले हिजाबविरोधी आंदोलन अद्याप सुरू आहे. गुरुवारपर्यंत हे आंदोलन 15 शहरांमध्ये फैलावले आहे. या आंदालेनादरम्यान पोलीस आणि आंदोलक यांच्यात संघर्ष देखील होत आहे. लोकांना रोखण्यासाठी पोलिसांनी गोळीबार केला आहे. पोलिसांच्या गोळीबारात गुरुवारी 3 जणांना जीव गमवावा लागला आहे. यामुळे आतापर्यंत 8 आंदोलकांचा मृत्यू झाला असून शेकडो जण जखमी झाले आहेत. पोलिसांनी आतापर्यंत 1 हजाराहून अधिक जणांना अटक करण्यात आली आहे. तर सरकारच्या मॉरल पोलिसिंगच्या विरोधात तरुण-तरुणींनी गरशाद नावाचे ऍप तयार केले आहे. हे ऍप मागील 5 दिवसांमध्ये 10 लाख लोकांनी डाउनलोड केले आहे. तरुण-तरुणी या ऍपद्वारे सिक्रेट मेसेजची देवाणघेवाण करत आहेत. यामुळे तेहरानमध्ये मोबाइल इंटरनेट बंद करण्यासह इन्स्टाग्राम ब्लॉक करण्यात आले आहे.