मुलांच्या हितार्थ कायदा आणण्यासाठी केले प्रेरित, 9 वर्षीय एली टम्बलिनमुळे अमेरिकेत एली ऍक्ट
केवळ 9 वर्षीय एली टम्बलिनने अमेरिकेच्या प्रशासनाला बहिरेपणाची समसया असलेल्या मुलांच्या हितार्थ कायदा आणण्यासाठी प्रेरित केले आहे. एलीच्या प्रयत्नांनंतर आता विमा कंपन्यांना स्वतःच्या पॉलिसीमध्ये बहिरेपणाशी संबंधित उपकरणांना अनिवार्य स्वरुपात व्याप्त करावे लागणार आहे.
लवकरच अमेरिकेत यासंबंधी कायदा आणला जाणार आहे. एलीला ऐकण्यास त्रास होत होता. जन्मापासूनच ती मायक्रोशिया नावाच्या दुर्लभ आजाराने त्रस्त होती. यात कानाचा बर्हिगत हिस्सा पूर्णपणे विकसित होत नसल्याने नीटपणे ऐकू येत नाही.
2019 मध्ये शाळेच्या शिक्षकाने समाजात बदल घडवून आणण्यासाठी काहीतरी लिहिण्यास सांगितले असता चिमुरडय़ा एलीने कोलोरॅडोचे काँग्रेसमन जो नेगूस यांना पत्र लिहून स्वतःच्या आणि स्वतःसारख्या अन्य मुलांच्या समस्येविषयी कळविले होते. मुलांना ऐकण्यास होणाऱया त्रासावर एक उपकरण आणि शस्त्रक्रिया उपाय आहे. याकरता बोन एंकर हियरिंग एड प्रत्यारोपित करवून घ्यावे लागते. या उपकरणाची किंमत सुमारे 7 लाख रुपये आहे. पण बहुतांश विमा कंपन्या या उपकरणाला स्वतःच्या क्याप्तीत सामील करत नसल्याचे एलीने कळविले हेते.
अनेक गरजू कुटुंबे याचा खर्च उचलू शकत नाहीत असेही तिने म्हटले होते. एलीचे पत्र मिळाल्यावर जो नेगूस यांनी एलीच्या नावाने ‘एली ऍक्ट एचआर 477’ तयार केले असले तरीही अद्याप याला कायद्याचे स्वरुप प्राप्त झालेले नाही. कायदा लागू झाल्यावर विमा कंपन्यांना मुलांच्या कॉकलियर इम्प्लांट समवेत बाहा उपकरणाला कव्हरेजमध्ये सामील करणे अनिवार्य ठरणार आहे. या कव्हरेजमध्ये या उपकरणांना बदलणे, शस्त्रक्रिया आणि याच्याशी संबंधित खर्चही सामील करण्यात आला आहे.