ह्यूस्टन
अमेरिकेच्या टेक्सास प्रांतातील ह्यूस्टनमध्ये भगवान हनुमानाच्या 90 फूट उंच मूर्तीचे अनावरण करण्यात आले आहे. या मूर्तीची प्राणप्रतिष्ठाही करण्यात आली आहे. अमेरिकेतील तिसऱ्या क्रमांकाची उंच मूर्ती ही असल्याचे सांगण्यात येत आहे. हनुमानाच्या या मूर्तीला ‘स्टॅच्यू ऑफ युनियन’ असे नाव देण्यात आले आहे.
टेक्सासच्या शुगर लँड भागात असलेल्या श्री अष्टलक्ष्मी मंदिराच्या परिसरात ही मूर्ती उभारण्यात आली आहे. भगवान हनुमानाची मूर्ती निर्माण करणे आणि मंदिर परिसरात ती स्थापन करण्यामागे चिन्नाजीयार स्वामी यांची दूरदृष्टी कारणीभूत ठरली आहे.
प्राणप्रतिष्ठेदरम्यान हेलिकॉप्टरमधून मूर्तीवर पुष्पवृष्टी करण्यात आली. यादरम्यान मोठ्या संख्येत हिंदू समुदायाचे सदस्य उपस्थित होते. स्टॅच्यू ऑफ युनिटीला अध्यात्माचे केंद्र म्हणून ओळख मिळवून देण्याचा प्रयत्न आहे.