नवी दिल्ली :
21 जूनला संपलेल्या आठवड्यामध्ये देशातील विदेशी चलन साठा 0.81अब्ज डॉलर्सने वाढून 653.71 डॉलरवर पोहोचला होता. या आधीच्या म्हणजे 16 जून रोजी संपलेल्या आठवड्यामध्ये विदेशी चलन साठ्यामध्ये 2.92 अब्ज डॉलर्सची घसरण झाली होती. त्या आठवड्यामध्ये विदेशी चलन साठा 652.89 अब्ज डॉलरवर राहिला होता. या आधीच्या म्हणजेच सात जूनला संपलेल्या आठवड्यामध्ये चलन साठ्यामध्ये दमदार अशी 4.30 अब्ज डॉलरची वाढ झाली होती. रिझर्व्ह बँक ऑफ इंडिया यांनी शुक्रवारी ही माहिती दिली. 21 जूनला संपलेल्या आठवड्यामध्ये विदेशी चलन मालमत्ता 0.11 अब्ज डॉलरने घटून 574.13 अब्ज डॉलरवर राहिली होती.