Tarun Bharat

कुर्ल्यात 4 मजली इमारत कोसळली, एकाचा मृत्यू

Advertisements

ऑनलाईन टीम / तरुण भारत :

कुर्ल्यातील नेहरूनगर परिसरात मध्यरात्री एक चार मजली इमारत कोसळली. या दुर्घटनेत एकाचा मृत्यू झाला असून, 8 जणांना वाचविण्यात यश आले आहे. तर ढिगाऱ्याखाली 12 ते 15 जण दबल्याची भीती व्यक्त करण्यात आली असून, बचावकार्याला वेग आला आहे.

नेहरुनगर परिसरात नाईकनगर सोसायटी नावाची चार मजली इमारत होती. या इमारतीची एक विंग सोमवारी मध्यरात्रीच्या सुमारास कोसळली. घटनेची माहिती मिळताच घटनास्थळावर अग्निशमन दल आणि एनडीआरएफची तुकडी दाखल झाली. एनडीआरएफच्या जवानांकडून रात्रभर बचावकार्य सुरू होते. या दुर्घटनेत एकाचा मृत्यू झाला असून, 8 जणांना सुखरुप बाहेर काढण्यात यश आले आहे. त्यांच्यावर राजावाडी रुग्णालयात उपचार सुरू असून, त्यांची प्रकृती स्थिर असल्याचे सांगण्यात येते. आणखी 12 ते 15 जण ढिगाऱ्याखाली अडकल्याची भीती व्यक्त करण्यात आली आहे. घटनास्थळी स्थानिक पोलीस, महापालिकेचे अधिकारी, एनडीआरएफचं पथक आणि अग्निशमन दलाचे जवान उपस्थित आहेत. बचावकार्य वेगानं सुरू आहे.

राज्याचे पर्यंटन मंत्री आदित्य ठाकरे यांनी घटनास्थळी भेट दिली. सर्व चार मजली धोकादायक इमारतींना नोटिसा बजावण्यात आल्या आहेत. मात्र, तरीही लोक तिथे राहतच आहेत. आमचा अग्रक्रम आहे, की सर्वांना वाचवणे, असे आदित्य ठाकरे यांनी प्रसारमाध्यमांशी बोलताना सांगितले.

Related Stories

तान्हाजी चित्रपटात इतिहासाचा चुकीचा अर्थ : सैफ अली खान

prashant_c

वयोवृद्ध महिलेस नगराध्यक्षांचा मायेचा आधार

Patil_p

राज्यसभेतील सहा रिक्त जागांसाठी ‘या’ दिवशी होणार पोटनिवडणूक

Abhijeet Shinde

महाराष्ट्रात 5,369 नवे कोरोना रुग्ण; 113 मृत्यू

Rohan_P

कुमारस्वामी यांनी सांगितली माजी पंतप्रधान देवेगौडांची अखेरची इच्छा, म्हणाले…

Sumit Tambekar

कोरोनामुक्ती दोन कोटींपार

datta jadhav
error: Content is protected !!