बेळगाव प्रतिनिधी – दसरोत्सवात खरेदीसाठी मुख्य बाजारपेठेत गर्दी झाली आहे. सर्वत्र सणाचे वातावरण असतानाच सोमवारी रात्री मारुती गल्ली येथे तळमजल्यावर एका दुकानाला शॉर्टसर्किटने आग लागली असून, लाखो रुपयांचे साहित्य आगीत भाग झाले. या घटनेनंतर बाजारपेठेत एकच धावपळ उडाली, आगीचा प्रकार उघडकीस येताच अग्निशामक दलाच्या जवानांना पाचरण करण्यात आले. आग विझविण्यासाठी पाण्याच्या दोन बंबांसह जवान दाखल झाले. खडेबाजार पोलीस ही दाखल झाले. अग्निशमन दलाचे एस. एस. निलगार, व्ही. एस. टक्केकर, आय. वाय.मडीगैर आदी अधिकारी घटनास्थळी दाखल झाले. योगानंद स्टेशनरि या दुकानाला आग लागली, बघता बघता शेजारच्या दुकानालाहि आग लागली, स्टेशनरी दुकानातील सर्व साहित्य जळून खाक झाले., असून एक ग्राम सोन्याच्या दागिन्यांच्या दुकानात ही आगी मुळे नुकसान झाले आहे. अग्निशमन दलाच्या जवानांनी शर्तीने प्रयत्न करून आग आटोक्यात आणली.
Previous Articleभारत-द. आफ्रिका तिसरी टी-20 लढत आज
Next Article मुंबईत 24 तास पाणी अशक्य