ऑनलाईन टीम/तरुण भारत
एकनाथ शिंदे (CM Eknath Shinde) यांनी शिवसेनेत बंड केल्यांनतर त्यांच्यासोबत ४० आमदार आणि १२ खासदार सोबत गेले. यांनतर शिवसेनेकडून शिंदे गटासोबत गेलेल्या नेत्यांनी ५० खोके घेतल्याचा आरोप वारंवार केला जात आहे. शिंदे गट आणि शिवसेनेच्या (Shivsena) नेत्यांकडून आरोप प्रत्यारोप केलेलं जात असताना आता शिंदे गटाचे खासदार प्रतापराव जाधव (Prataprao Jadhav) यांनी उद्धव ठाकरेंवर गम्भीर आरोप केला आहे. सचिन वाझे (Sachin Waze) हे महिन्याला १०० कोटी रुपये मातोश्रीवर(Matoshree) पाठव होते, असा खळबळजनक आरोप जाधव यांनी केल्याने नव्याने राजकीय वाद निर्माण होण्याची शक्यता आहे.
राज्यात पालकमंत्र्यांची नेमणूक केल्यानंतर मंत्री गुलाबराव पाटील (Gulabrao Patil) हे पहिल्यांदाच बुलढाण्यात आले होते. त्यावेळी खासदार प्रतापराव जाधव समर्थकांनी मेहकरमध्ये त्यांचं जंगी स्वागत केलं. त्यावेळी बोलताना प्रतापराव जाधवांनी थेट उद्धव ठाकरेंवर टीकेचे बाण सोडले आहेत. उद्धव ठाकरे सत्तेत असताना शंभर खोके एकदम ओके अशा पद्धतीनं मातोश्रीवर सचिन वाझे दरमहिन्याला पैसे जमा करत होते, असा आरोप त्यांनी केला आहे. त्यामुळं आता शिंदे गटानं ठाकरेंवर केलेल्या या आरोपांमुळं नवा राजकीय वाद पेटण्याची शक्यता आहे.
हे ही वाचा : बाळासाहेबांनी केलेली युती कोणालाही तोडता येणार नाही
दरम्यान शिंदे गट आणि शिवसेनेचा दसरा मेळावा काही तासांवर येऊन ठेपलेला असताना आता दोन्ही गटांत आरोप-प्रत्यारोपांचा सामना रंगला आहे. शिवसेनेला दादरमधील शिवाजी पार्कवर दसरा मेळाव्याची परवानगी मिळाली असून शिंदे गट बीकेसीवर दसरा मेळावा घेणार आहे. त्याआधी शिंदे गटानं मेळाव्याचे दोन टीझर जारी केले असून शिवसेनेनंही एक टीझर जारी केला आहे.