चोरी केलेल्या दोन दुचाकी जप्त
प्रतिनिधी /पणजी
पणजी पोलिसांनी केलेल्या कारवाईत एका दुचाकी चोरटय़ाला अटक केली आहे. संशयितांकडून दोन दुचाकीही जप्त करण्यात आल्या आहेत. संशयिताच्या विरोधात गुन्हा नोंद केला असून आज त्याला रिमांडसाठी न्यायालात हजर केले जाईल.
पोलिसांनी दिलेल्या माहितीनुसार अटक केलेल्या संशय़िताचे नाव मुस्ताक शेख (20 थीवी अस्नोडा) असे आहे. संशयित मुळ कर्नाटक येथील असून तो गोव्यात राहत होता. सोमवारी सकाळी संशय़ित पणजी मार्केटमध्ये पार्क करून ठेवलेल्या दुचाकी हालवून पाहत होता. त्यावेळी लोकांनी त्याल पाहिले आणि पोलिसांना कळविले पोलीस त्वरीत घटनास्थळी दाखल होऊन संशय़िताला तब्यात घेतले त्याची कसून उलट तपासणी केली असता दोन दुचाकी चोरी केल्याचे उघड झाले. या पैकी एका दुचाकी चोरल्याची तक्रार म्हापसा पोलीस स्थानकात दाखल झाली आहे तर दुसरी डिचोली पोलीस स्थानकात दाखल झाली आहे. हवालदार नितीन सावंत आणि सुजय पाटील पुढील तपास करीत आहेत.