बेळगाव : श्रावण महिन्यातील चौथ्या सोमवारी अनगोळ ग्रामदेवता श्री कलमेश्वर मंदिर येथे पहाटे शिवालयात विधिवत अभिषेक घालण्यात आला. त्यानंतर ग्रामस्थांनी देवाची पूजा-अर्चा करून दर्शन घेतले. यावेळी देवाला चांदीचा मखर मुखवटा घालण्यात आला. गाभाऱ्यात आकर्षक सजावट आणि विद्युत रोषणाई करण्यात आली होती. दुपारी देवाला महानैवेद्य दाखविण्यात आला. देवाची मूर्ती पालखीत बसवून मंदिराला प्रदक्षिणा घालण्यात आली. देवाला गाऱ्हाणे घालण्यात आले. महाप्रसादाचे वाटप करण्यात आले. संपूर्ण मंदिराला आकर्षक विद्युत रोषणाईने व फुलांनी सजविण्यात आले होते. गावातील हक्कदार, पंच मंडळी, नागरिक मोठ्या संख्येने उपस्थित होते. यावेळी पावसाने दिवसभर हजेरी लावली होती. त्यामुळे यंदा महाप्रसादाचे वाटप कलमेश्वर मंदिर भवन येथे करण्यात आले. प्रसादाचे वाटप करण्यासाठी गावातील युवकांनी सेवा बजावली. गावातील पंच मंडळी, कलमेश्वर मंदिर कमिटी, युवक मोठ्या संख्येने उपस्थित होते.
Previous Articleपुणे पीपल्स बँकेच्या शाखेचे स्थलांतर
Next Article श्रावण शुक्रवारसाठी बाजारात गर्दी
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.