देवगड/ वार्ताहर-
नांदगावहुन देवगडकडे येत असताना पुणे देवगड एसटीला ट्रकची धडक बसून अपघात झाला. हा अपघात शुक्रवारी दुपारी 3.30 वा. च्या सुमारास असलदे येथे घडला. या अपघातामध्ये दोन्ही वाहनाचे मोठे नुकसान झाले आहे. एसटीतील प्रवासी यांना किरकोळ दुखापत झाली असून शिरगाव येथील प्राथमिक आरोग्य केंद्रात उपचारासाठी हलवण्यात आले आहे. घटनेची माहिती मिळताच स्थानिक ग्रामस्थांसह एसटीचे प्रमुख अधिकारी तसेच वाहतूक पोलीस यांनी घटनास्थळी धाव घेतली.