मडगाव फ्लायओव्हर पुलाजवळ सापडलेल्या नग्न मृतदेहाचे प्रकरण
प्रतिनिधी /मडगाव
खून केलेल्या मयताचे कपडे आपणच त्याच्या अंगावरुन काढले होते अशी कबुली प्रशांत बल्ला या 26 वर्षीय आरोपीने दिली.
मडगाव पोलिसांनी ही माहिती दिली. तीन दिवसापूर्वी अमीत किरकेटी (35) या झारखंडच्या इसमाचा मडगावात खून करण्यात आला होता. एका धारदार शस्त्राने वार करुन आरोपीने त्याचा खून केला होता. आरोपीला पोलिसांनी अटक करुन कोठडीत ठेवले तेव्हा आपणच मयताचे कपडे त्याच्या अंगावरुन काढले होते अशी माहिती आरोपी प्रशांत बल्ला याने पोलिसांना दिली.
आरोपीने दाखवलेल्या जागेवर जाऊन पोलिसांनी मयताचे कपडे जप्त केले. मडगावच्या खारेबांद हॉटेलच्या समोरच ही घटना घडलेली असल्याची माहिती पोलिसांनी दिली.