व्हिडिओ कॉन्फरन्सिंगद्वारे न्यायालयात हजर
नवी दिल्ली / वृत्तसंस्था
श्रद्धा हत्याकांडातील आरोपी आफताबच्या कोठडीत न्यायालयाने 14 दिवसांची वाढ केली आहे. त्याला शुक्रवारी दिल्लीतील साकेत न्यायालयात व्हिडिओ कॉन्फरन्सिंगद्वारे हजर करण्यात आले. दिल्ली पोलिसांनी न्यायालयीन कोठडी वाढवण्याची मागणी करत तपास सुरू असल्याचे सांगितले. गेल्या महिन्यातही आफताबला दिल्लीच्या आंबेडकर हॉस्पिटलमधून व्हिडिओ कॉन्फरन्सिंगद्वारे न्यायालयात हजर करण्यात आले होते. 10 दिवसांपूर्वी आफताबला घेऊन जाणाऱया व्हॅनवर 4-5 जणांनी हल्ला करण्याचा प्रयत्न केला होता. फॉरेन्सिक लॅबमध्ये नेत असताना पोलीस व्हॅनवर हल्ला करण्यात आला होता. या धोक्यामुळे तिहार कारागृहाने दिल्ली पोलिसांच्या पथकाला आफताबला विशेष सुरक्षा पुरवण्याचे निर्देश दिले होते.