नवी दिल्ली प्रतिनिधी
NIA, ED आणि 13 राज्यांच्या पोलिसांनी PFI-SDPI पीएफआय- एसडीपीआय या संघटनेच्या प्रमुख नेत्यांवर आणि कार्यालयावर छापेमारी केल्यानंतर, केंद्रीय गृहमंत्री अमित शाह यांनी उच्चाधिकाऱ्यांसोबत बैठक घेतली. या बैठकित छापेमारी नंतर मिळालेल्या माहितीचा आढावा घेण्यात आला. तसेच पुढील कारवाईसाठी संबंधित अंमलबजावणी आणि सुरक्षा प्रमुखांची बैठक घेतली आहे अशी खात्रीशीर माहीती मिळाली आहे. या बैठकीला राष्ट्रीय सुरक्षा सल्लागार अजित डोवालही उपस्थित होते.
देशभरात अनेक लोकांना अटक करण्यात आली असून त्यात सर्वाधिक केरळमध्ये २२, महाराष्ट्र आणि कर्नाटकात प्रत्येकी २०, आंध्र प्रदेशात ५, आसाम ९, दिल्ली ३, मध्य प्रदेश ४, पुद्दुचेरी 3, तामिळनाडू 10, उत्तर प्रदेश 8 आणि राजस्थान 2 अशी अटक केलेल्या लोकांची संख्या आहे. एनआयए आणि ईडी यांच्याशी सल्लामसलत करून इंटेलिजन्स ब्युरोने PFI-SDPI वर छापे टाकले आहेत.