नवी दिल्ली/ वृत्तसंस्था
थायलंडमध्ये सुरु असलेल्या 2022 च्या 15 आणि 17 वर्षाखालील वयोगटाच्या आशियाई पुरुष आणि महिलांच्या कनिष्ठ बॅडमिंटन स्पर्धेत भारताचा बॅडमिंटनपटू अनिशने रौप्यपदक पटकाविले.
पुरुषांच्या 15 वर्षाखालील वयोगटातील एकेरीच्या अंतिम लढतीत चीन तैपेईच्या चुंग हेसेंगने अनिशचा 21-8, 22-24, 21-19 अशा गेम्समध्ये पराभव करत सुवर्णपदक मिळविले. भारताच्या अनिशला रौप्यपदकावर समाधान मानावे लागले. या स्पर्धेमध्ये भारताच्या उन्नती हुडाने 17 वर्षाखालील वयोगटातील एकेरीच्या उपांत्य लढतीत जपानच्या योकोयुचीचा 21-8, 21-17 असा फडशा पाडत अंतिम फेरीत स्थान मिळविले. भारताच्या अर्श मोहम्मद आणि संस्कार सारस्वत यांनी दुहेरीची अंतिम फेरी गाठली आहे.