बेळगाव : केएलएस गोगटे कॉलेज ऑफ कॉमर्सच्या आयक्यूएसी आणि हॉबी क्लब अंतर्गत बी. कॉम विभागातर्फे ‘अनुग्रह’ उत्सव 6 ऑगस्टला पार पडला. केएलएस गोगटे कॉलेज ऑफ कॉमर्सचे चेअरमन ए. के. तगारे यांनी उद्घाटन केले. त्यामध्ये विद्यार्थ्यांनी स्वतः बनविलेल्या विविध खाद्यपदार्थांचे स्टॉल लावण्यात आले होते. खुले कलादालनही आयोजित केले होते. यात विद्यार्थ्यांनी मोठय़ा प्रमाणात भाग घेतला होता.
यावेळी प्राचार्य डॉ. एच. एच. वीरापूर, आयक्यूएसी समन्वयक निवास म्हाळुंगे, एनएएसी समन्वयक प्रा. दत्ता कामकर, प्रा. निरलकेरी उपस्थित होते. एकूण स्टॉल्सची संख्या 30 पेक्षा जास्त होती. कार्यक्रमाचे आयोजन हॉबी क्लबचे समन्वयक प्रा. दीपा तंगणकर यांनी केले होते.