प्रतिनिधी /बेळगाव
बेळगाव येथील किल्ला परिसरात असलेल्या आराधना विशेष मुलांच्या शाळेत शिक्षक दिनाचा कार्यक्रम झाला. मुख्याध्यापक गजानन सुतार यांनी डॉ. सर्वपल्ली राधाकृष्णन यांच्या प्रतिमेचे पूजन करून त्यांच्याविषयी माहिती दिली.
विद्यार्थ्यांनी सर्व शिक्षकांचा पुष्पगुच्छ देऊन सत्कार केला. यावेळी शाळेतील माध्यमिक स्तरातील विद्यार्थी मणीकंठ बस्सापुरी, सुषमा पटगुंदी, रिया गोरल, प्रदीप अथणीमठ, मधुरा दुणगावकर आदींनी शाळेचे वर्ग सांभाळले. सदर कार्यक्रमाचे नियोजन विद्यार्थिनी सुषमा पटगुंदी व रिया गोरल यांनी केले.
यावेळी शिक्षक रशीद भाई, मारुती कुंभार, द्वारकाताई पाटील, किशोर जुवेकर, अश्विनी पवार, नंदा लोहार उपस्थित होत्या. शिक्षक दिनाचे औचित्य साधून शिक्षिका द्वारकाताई पाटील यांनी विद्यार्थ्यांना अल्पोपाहार दिला.