वृत्तसंस्था/ भोपाळ
मध्यप्रदेशातील बेतूल जिल्हय़ातील मांडवी गावात 35 फूट खोल बोअरवेलमध्ये पडलेल्या सहा वर्षाच्या बालकाला वाचविण्याचा प्रयत्न युद्धपातळीवर केला जात आहे. त्याची सुटका करण्यासाठी बोअरवेलच्या बाजूला खोल खड्डा खोदण्यात येत आहे. मात्र या खड्डय़ातून पाणी झिरपण्यास प्रारंभ झाल्याने मोटर लावून पाणी काढले जात आहे. बालकापर्यंत पोहोचण्यासाठी सात ते आठ फूट भुयार तयार करण्याचा प्रयत्न होत असून बालक अद्यापही जीवंत असावे असा अनुमान आहे. मंगळवारी संध्याकाळी 5 वाजता त्याच्याशी संपर्क साधण्यात यश आले होते.