नवी दिल्ली
5-जी स्पेक्ट्रमचा लिलाव 26 जुलै रोजी होणार आहे. लिलावात सहभागी होण्यासाठी 8 जुलै ही अर्ज करण्याची अंतिम तारीख निश्चित करण्यात आली होती. अर्जदारांच्या मालकीचे तपशील 12 जुलै रोजी प्रकाशित केले जाणार आहेत. त्यानंतर सरकार 20 जुलै रोजी लिलावात सहभागी होणाऱयांची यादी जाहीर करणार आहे. या लिलाव प्रक्रियेत सहभागी होण्यासाठी उद्योगपती गौतम अदानी समूहाने उत्सुकता दर्शवली आहे. साहजिकच मुकेश अंबानींच्या नेतृत्वाखालील ‘रिलायन्स जिओ’ आणि सुनील भारती यांच्या ‘एअरटेल’ यांची लिलावात भाग घेणाऱया अदानी समूहासोबत कडवी स्पर्धा होण्याची शक्मयता आहे.
मार्च 2023 पर्यंत देशात 5-जी सेवा उपलब्ध करण्याच्यादृष्टीने सरकारने तयारी चालवली आहे. अलीकडेच केंद्रीय मंत्री अश्विनी वैष्णव यांनी यासंबंधी स्पष्ट संकेत देतानाच ही सेवा 4-जी पेक्षा 10 पट वेगवान असेल असे सांगितले होते. 20 वर्षांच्या कालावधीसाठी एकूण 72,097 मेगाहर्ट्झ स्पेक्ट्रमचा लिलाव केला जाईल, असेही ते म्हणाले होते.